من نحاسب اين الضمير المهني

السلام عليكم اخوتي واحبة الله
والله راني حايرة للوضع لوصلنالو شيء يحيروحدة نعرفها مليح عندها 27 عام تزوجت هذي 5 سنوات وعندها طفل عمرو 3 سنوات حبت تزيد تنجب الاطفال اكيد من حقها والله يقول المال والبنون زينة الحياة الدنيا لكن الغريب انو البشر هم لولاو يحدو .واش صرى لهذ الطفلة كي قرب موعد الولادة وحست بالالام راحت لسبيطارمكاين لا طبيب ولا ممرضين المهم صبرت ليفوت يقولها هدرة بقات المسكينة من هذ لهذ حتى صرات الكارثة الرحم نتاعها طرطقت البنت ماتت والام نحاولها الرحم يعني عمرها ولا تزيد تقول ننجب اولاد ويقولو تقدرت ايه كلش بالمكتاب بصح هذ اهمال ودرك شكون لنحاسبوه الزوج لمعندوش دراهم باه يدي مرتو لسبيطار خاص ولا الطبيب لكان فالعيادة نتاعو ولا الممرضين لكانو لاتيين بالهدايا ومزال مخبروهاش بلي نحاولها الرحم واش مصيرها قولولي مين رانا رايحين بهذ العقلية وينو الضمير المهني والله انا فحيرة وحبيت تشاركوني وتردو عليا وشكراااا

سبحان الله

ان لله و ان اليه راجعون

لا حولا ولا قوة الا بالله العلي العظيم

اختي الله يعطيكم الصبر

و حنا تاني لازم نحاسبوا انفسنا في عملنا

لا حولا ولا قوة الا بالله

واش راح تحاسب في هذا الوقت اختى نحن رانا في جيل القوى ياكل الضعيف

هيا ولا زوجها مساكين واش كان يقدر يعمل هو لا حول ولا قوة له

رابي يهديم

مراحش نحاسب الاب الانه لاحولى ولاقوة لكن نحاسب الاهمال والضمائر الخافلة وشكرا